Wednesday 26 October 2011

விரைந்துநானும் வந்திடட்டா?

                           

பெண்:  கட்டவெளி காட்டுக்குள்ள
                      கடுகிவழி போறவரே
             காட்டெருமை கத்துதய்யா
                      கவனமா போய்வாரு(ம்)

ஆண்:  கட்டவெளி காட்டுக்குள்ள
                      கிளையொடிக்கு மச்சியரே
            காட்டெருமை வீரரென்னு
                      கானமயில் சொல்லலையோ

பெண்:  காட்டெருமை வீரரென்னு
                       கானமயில் சொல்லலையே
             வீட்டெருமை வாகனத்தார்
                       வீறுகொண்டு வருவாரா(ம்)

ஆண்:  வீட்டெருமை வாகனத்தார்
                       வீறுகொண்டு வந்தாக்கா
            வீரகத்திவாள் எடுத்து
                       விலாப்புடைக்க வெட்டிடுவே(ன்)

பெண்:  வீரகத்திவாள் எடுத்து
                       விலாப்புடைக்க வெட்டயில
             வீடிக்கை பாப்பதற்கு
                       விரைந்துநானும் வந்திடட்டா?
                                                                    - நாட்டுப்பாடல் (மாந்தை)
                                                                    (பண்டிதர் மு ஆறுமுகன் நாட்டுப்பாடல் தேட்டத்திலிருந்து)
இனிதே,
தமிழரசி.

No comments:

Post a Comment