கணநாதன் கழல் தொழுதால்
கனவினிலும் அருள் தருவான்
பணநாதன் பதம் பணிந்தால்
பழவினைகள் பறந் தோடும்
குணநாதன் அடி நினைந்தால்
குலம்விளங்கி தளைத் தோங்கும்
மணநாதன் மனம் வைத்தால்
மனமேடை தனில் வாழ்வான்
இனிதே,
தமிழரசி.
சொல் விளக்கம்:
கணநாதன் - கணங்களின் தலைவன்
கழல் - அடி
பணநாதன் - நாகம் அணிந்தவன்
பதம் - அடி
பழவினைகள் - முற்பிறவிகளில் செய்த வினைகள்
குலம்விளங்கி - சந்ததி சிறப்படைந்து
தளைத்தோங்கும் - செழிப்புற வளரும்
குணநாதன் - குணம் நிறைந்தவன்
மணநாதன் - பெருமையுடையவன்
மனமேடை - எமது மனமாகிய மேடை
