மங்கல மங்கையர் பொங்கிய பொங்கல்

பொங்கிடும் பொங்கல் இனிப்பது போல்

          பொதுநலம் எங்கும் இனித்திடவே

திங்களும் மும்மாரி பெய்து நன்றாய்

          தேசத்துப் பயிர்கள் செழித்திடவே

தங்கத் தமிழ் மணம் வீசுபுகழ்

          தரணி யெல்லாம் ஒலித்திடவே

மங்கல மங்கையர் பொங்கிய பொங்கல்

          மகிழ்ச்சியை யள்ளிப் பொழிந்திடுமே!

இனிதே,

தமிழரசி.

சொல் விளையாட்டு

நான்கெழுத்துச் சொல்லாம்

      முதல் எழுத்துப் போய்விட்டால்

            பெண்ணாகும்

      இரண்டாம் எழுத்துத் தனிநின்றால்

            ஒரு திங்கள்

      அவ்வெழுத்து ஓடிவிட்டால்

            கடுங்காற்றாம்

      முதலும் ஈறும் ஒன்றிணைந்தால்

            மாட்டுணவாம்

      முதலிரண்டும் ஒன்றானால்

            மண்ணில் மூடல்

உங்கள் அறிவைத் தோண்டி 

       நன்கு ஆய்ந்தறிந்து

            விடை பகர்வீர்!

இனிதே,

தமிழரசி.

களித்திங்கு வந்து இருப்பாயினி!

நாராயணி என்னும் பூவாரணி

நளினமலர் நயனப் பாராயணி

வாராயினி வரந் தாராயோநீ

வண்ணமலர் அமர் வரதாயிணி

ஏராரணி மனத் தமராயோநீ

எண்ணதுள் புகுந் தருளாயோநீ

காராயணி கருணை பொழியாயோநீ

களித்திங்கு வந்து இருப்பாயினி

இனிதே,

தமிழரசி.