Wednesday, 9 November 2011

செஞ்சுடர் வேல் வேலவா!

                                 பல்லவி
செஞ்சுடர் வேல் வேலவா! சென்மபிணி தீர்க்கவா!
அஞ்சினான் அழுதக்கால் அன்புடன் அணைக்கவா!
                                                             - செஞ்சுடர் வேல்
                             அனுபல்லவி
வெஞ்சமரில் வீரனாய் வேங்கையென நின்றவா!
வஞ்சியவள் பின்சென்று வேங்கைமரம் ஆனவா!
                                                             - செஞ்சுடர் வேல்
                               சரணம்
துஞ்சிடும் வாழ்வதனின் துயரமதைச் சொல்லவா!
தஞ்சமெனக்கு   அருளிடில் தண்டமிழில் பாடவா!
நஞ்சுண்ணி மைந்தனே! நமனை நான் வெல்லவா!
எஞ்சியுள்ள பிறவிதொறும் என்னுடனே கூடவா!
                                                             - செஞ்சுடர் வேல்

No comments:

Post a Comment