முட்டை இல்லாத புரூட் கேக்
- நீரா -
தேவையான பொருட்கள்:
மிக்ஸ் புரூட் (வற்றல்) - 220 கிராம்
மா - 220 கிராம்
சீனி - 110 கிராம்
பட்டர் - 110 கிராம்
கொதி தண்ணீர் - 12 மே. கரண்டி
வனிலா - 1 தேக்கரண்டி
சாதிக்காய் தூள் (நட்மக்) - ½ தேக்கரண்டி
அப்பச்சோடா - ½ தேக்கரண்டி
உப்பு - 1 சிட்டிகை
செய்முறை:
1. 6” கேக் டின்னின் உள்பக்கம் பட்டர் பூசி இரண்டு பட்டாக ஒயில் பேப்பர் போட்டு வைக்கவும்.
2. மா, சாதிக்காய்தூள், உப்பு மூன்றையும் கலந்து அரித்துக் கொள்ளவும்.
3. ஒரு பாத்திரத்தில் மிக்ஸ் புரூட், சீனி, பட்டர் மூன்றையும் இட்டு கொதிநீர் ஊற்றி இளம் சூட்டில் பட்டரும் சீனியும் உருகிக் கரையும் வரை சூடாக்கவும்.
4. பின் மெதுவாகக் கிளறி கொதித்ததும் இறக்கி ஆறவிடுக.
5. ஆறியதும் அப்பச்சோடா சேர்த்து விரைவாகக் கலக்கிக் கொள்க.
6. அரித்து வைத்துள்ள மாவை இக்கலவையுடன் மெதுவாகக் கலந்து கேக்டின் உள் இட்டு மட்டப்படுத்தவும்.
7. சூடேறிய அவணில் 180°C யில் 75 நிமிடம் வேகவிட்டு, வெந்ததும் எடுக்கவும்.
No comments:
Post a Comment