உள்ளமெனும் பொய்கையிலே நீராட வருவான்
ஓங்குபுகழ் சந்தமெல்லாம் ஓர்கணத்தில் தருவான்
கள்ளமில்லா நெஞ்சினிலே கரந்துறைய வருவான்
கீதத்தமிழ் பாவினிசை கருத்தினில் அருள்வான்
வெள்ளமனத் தாமரையில் விரைந்திருக்க வருவான்
வேண்டுபுகழ் வகையெலாம் வேண்டிட அருள்வான்
வள்ளல்லவன் சிந்தையிலே நிறைந்திருக்க வருவான்
வீங்குபுகழ் வயலூரில் வீற்றிருந்தும் அருள்வான்
இனிதே,
தமிழரசி.
No comments:
Post a Comment