மலர்க்கரத்தை முத்தமிடத் தாருங்கள்
- மாவீரர்
காதலின்பக் களிப்பில் மெய்மறக்கயிலும்
கன்னித்தமிழ் இன்பமதை மறக்கலையோ
- மாவீரர்
கருவுயிரை உம்முயிராய் சுமக்கயிலும்
கருந்தமிழின் செறிவினையும் சுமந்தீரோ
- மாவீரர்
ஈன்றவனை உவகையுடன் பார்க்கயிலும்
ஈழமதன் உயர்வினையும் பார்த்தீரோ
- மாவீரர்
தாய்ப்பாலைப் பரிவோடு கொடுக்கயிலும்
தீந்தமிழின் தீரத்தையும் கொடுத்தீரோ
- மாவீரர்
பெற்றவனைப் பெருமையுடன் வளர்க்கயிலும்
பழந்தமிழர் வீரத்தையும் வளர்த்தீரோ
- மாவீரர்
இனிதே,
தமிழரசி.
No comments:
Post a Comment