Monday, 13 February 2012

மாவீரர் தாய்மாரே வாருங்கள்

மாவீரர் தாய்மாரே வாருங்கள் - உங்கள்

மலர்க்கரத்தை முத்தமிடத் தாருங்கள்


காதலின்பக் களிப்பில் மெய்மறக்கயிலும்
கன்னித்தமிழ் இன்பமதை மறக்கலையோ
                                                    - மாவீரர்


கருவுயிரை உம்முயிராய் சுமக்கயிலும்
கருந்தமிழின் செறிவினையும் சுமந்தீரோ
                                                    - மாவீரர்


ஈன்றவனை உவகையுடன் பார்க்கயிலும்
ஈழமதன் உயர்வினையும் பார்த்தீரோ
                                                     - மாவீரர்


தாய்ப்பாலைப்  பரிவோடு கொடுக்கயிலும்
தீந்தமிழின் தீரத்தையும் கொடுத்தீரோ
                                                     - மாவீரர்


பெற்றவனைப் பெருமையுடன் வளர்க்கயிலும்
பழந்தமிழர் வீரத்தையும் வளர்த்தீரோ
                                                     - மாவீரர்
                                                                - சிட்டு எழுதும் சீட்டு (21)

No comments:

Post a Comment