பட்டமரம் நானா! பச்சைமரம் நானா!

Bewdley sweet chestnut, Worcestershire (credit: The Tree Council)

வெட்டமரம் தேடி யலைந்து வெட்டும்

          வையத்து மானுடரே வந்தெனைப் பாரும்

பட்டமரம் நானா பச்சைமரம் நானா

          பகுத்துநீர் சொல்லின் பாரெலாம் பகரும்

நெட்டமரம் ஆனேன் நாநூ றாண்டாய்

          நாளுமே வளர்ந்து நாற்றிசை படரும்

கெட்டமரம் என்று கணத்தினில் வெட்டா 
          காத்திடும் மாண்பை கண்டிட வாரும்

                                                                                  - சிட்டு எழுதும் சீட்டு 138 

குறிப்பு:

இந்த மரம் 10 மீற்றரைவிட உயரமானது. இதன் கிளைகள் மரத்தில் இருந்து 23 மீற்றருக்கும் கூடிய நீளமானவை. கால் ஏக்கர் சுற்றளவான இடத்தில் பரந்து வளர்ந்து நிற்கிறது. இங்கிலாந்தில் உள்ள வயதான அதிசயமரங்களில் இதுவும் ஒன்று.

இனிதே,

தமிழரசி.