சிந்தை சிவக்கச் சிரிக்கின்றான்
சிவனவன் என் சிந்தையுள் நின்று
முந்தை வினைகள் எரிக்கின்றான்
முற்றா மனத்துள் முளைத்திருந்து
பிந்தை வினைகள் பொறுக்கின்றான்
பேதை நெஞ்சத்துள் புகுந்திருந்து
எந்தை ஈசன் அருள்கின்றான்
என்ன புண்ணியம் ஈதறியேனே!
மேலேயுள்ள பாடல் மா மா காய் அரையடிக்கு வாய்பாடுள்ள அறுசீர் விருத்தமாகும்; ஆனால் நெஞ்சத்துள் - காய்ச்சீர் - மா (நெஞ்சுள்) வரவேண்டும். புண்ணியம் - விளச்சீர் - மாச்சீர் (புண்யம்) வரவேண்டும், ஈதறியேனே - நான்கசைச்சீர் - அறியேனே என்ற மாற்றங்கள் செய்யலாம்.
ReplyDeleteபிந்தை வினைகள் பொறுக்கின்றான்
பேதை நெஞ்சுள் புகுந்திருந்து
எந்தை ஈசன் அருள்கின்றான்
என்ன புண்யம் அறியேனே.