சீரெல்லாம் அள்ளித் தருவாயே!

கந்தா கடம்பா கதிர்வேலா

    கண்ணுதலான் பெற்ற கருநிதியே

முந்தா வினைகள் அறுப்பாயோ

    மூவுலகும்தொழ நின்ற பெருநிதியே

எந்தா எனக்கு இரங்காயோ

    எண்ணுகிலேன் என்று கருதாதே

சிந்தா குலம் தீர்ப்பாயே

    சீரெல்லாம் அள்ளித் தருவாயே!

இனிதே,

தமிழரசி.

சொல்விளக்கம்:

கடம்பா - கடம்பமலர் மாலை அணிந்த முருகன்

கதிர்வேலா - ஒளிக்கதிர் போல் மின்னும் வேலை உடையவன்

கண்ணுதலான் - சிவன்/நெற்றிக்கண் உள்ளவர்

கருநிதி - அழிக்க முடியாத செல்வம்

முந்தா வினைகள் - தேங்கி இருக்கும் வினைகள்

எந்தா - எந்தாய்/எந்தந்தை

எண்ணுகிலேன் - நினைக்கவில்லை

கருதாதே - எண்ணாதே

சிந்தாகுலம் - மனக்கவலை

சீர் - செல்வங்கள்/ சிறப்புகள்