விந்தை உலகமெடா மகனே! - இஃதோர்
விந்தை உலகமெடா!
பெண்ணைக் கடவுளென்பார் - தாமே
பெண்ணை அடிமைசெய்வார்
கண்ணே மணியேயென்பார் - தாமே
காலால் உதைத்திடுவார்
தாலியே வேலியென்பார் - தாமே
தாலியை அறுத்திடுவார்
தாரமே தாயேயென்பார் - தாமே
தாரமே பாரமென்பார்
தாயே கோயிலென்பார் - தாமே
பேயே நாயேயென்பார்
பெண்ணின் கற்பேயென்பார் - தாமே
கற்பை அழித்திடுவார்
பெண்ணே உலகமென்பார் -தாமே
பெண்கருவைச் சிதைத்திடுவார்
பெண்ணை பூவேயென்பார் - தாமே
பெண்ணுறுப்பை வெட்டிடுவார்
விந்தை உலகமெடா மகனே! - இஃதோர்
விந்தை உலகமெடா!
இனிதே,
தமிழரசி.
No comments:
Post a Comment