பனிப்பாவை செய்த மகிழ்வில் என் கணவர்
கொட்டியது பனியே
கொட்டமிட்ட துள்ளம்
வெட்டவெளி எங்கும்
வெண்பனியே காட்சி
மொட்டவிழும் மகிழ்வில்
மென்பனியை மேவி
சிட்டெனப் பனிப்பாவை
செய்தாரென் கணவர்.
இனிதே,
தமிழரசி.
குறிப்பு:
கொரனாவால் எத்தனை மாதங்கள் முடங்கிக் கிடப்பது? பனிப்பொழிவைக் கண்டதும் பனிபோல் இறுகிக்கிடந்த இளமைக்கால துள்ளல் மெல்ல உருகி வெளிப்பட்டது. அந்த வெளிப்பாடே என் கணவர் செய்த இந்தப் பனிப்பாவை. கொரனாவே நீ வந்ததால் என் கணவரின் சிறுபிள்ளைத் தன்மையை அறியமுடிந்தது. எங்கள் எல்லோருள்ளும் மறைந்து, ஒளிந்து குழந்தைத் தன்மை இருக்கிறது. அது அவ்வப்போது மெல்லத் தலைகாட்டும்.
No comments:
Post a Comment