அடிசில் 99

குரக்கன்மா அடை 

- நீரா -

தேவையான பொருட்கள்: 

குரக்கன்மா  -  1 கப்

தேன்  -  ½ கப்

மென்மையான தேங்காய்ப்பூ  -  2  மே.கரண்டி

உப்பு  -  ½  சிட்டிகை

பூவரசம் இலை  -  20

செய்முறை: 

1.  ஒரு பாத்திரத்துள் தேனை ஊற்றி இளநெருப்பில் சூடாக்கவும்.

2.  தேன் இளகி தண்ணீர் போல மாறும் போது [குமிழ் தோன்றமுன்] தேங்காய்ப்பூவைச் சேர்த்துக் கலந்து கொள்க.

3.  அடுப்பில் இருந்து இறக்கி குரக்கன்மா சேர்த்து நன்றாக்க குழைத்து இருபது சிறு உருண்டைகளாகப் பிடித்துக் கொள்க.

4.  ஒவ்வொரு உருண்டையையும் ஒவ்வொரு இலையினுள் வைத்து, பாதியாக மடித்து அழுத்தி வைக்கவும். [அரை இலை வடிவில்]

5.  மாவுடன் இருக்கும் அழுத்திய இலைகளை ஆவியில் 10 - 15 நிமிடம் அவித்து எடுக்கவும்.

குறிப்பு:

பூவரசம் இலைக்குப் பதிலாக வாழை இலை, foil பயன்படுத்தலாம்.