சித்திரைப் புத்தாண்டு நல்வாழ்த்து!
பல்லவி
சித்திரை நங்கை வருகின்றாள்
செந்தமிழ் அன்னை சிரிக்கின்றாள்
- சித்திரை நங்கை
அனுபல்லவி
இத்தரை வாழ் உயிரனைத்தும்
இன்புறக் கண்டு களிப்பதற்கே
- சித்திரை நங்கை
சரணம்
வான்மழை பொழிந்திட வையகம் மகிழ்ந்திட
பொன்னணி பொலிந்திட பூக்களும் பூத்திட
மானினம் தாவிட மயிலினம் ஆடிட
நன்மைகள் நிறைந்திட நற்றவம் ஓங்கிட
தேன்றமிழ் கீதம் தெருவெங்குங் கேட்டிட
அன்பெனும் ஊற்றது அனைத்தையும் காத்திட
- சித்திரை நங்கை
இனிதே,
தமிழரசி.
No comments:
Post a Comment