மழலை மொழிய தாகுமோ!

பெண்ணின் இன்ப வாழ்க்கையாய்

         பொழு தெலாங் கரையினும்

கண்ணின் இன்பக் காட்சியாய்

         கண்ட குதலைச் சொல்லினை

எண்ணி இன்பங் காண்பதாய்

         ஏங்கும் மனது சொல்லுமே

மண்ணின் இன்பப் பொருளெலாம்
         மழலை மொழிய தாகுமோ!

இனிதே,

தமிழரசி.

சொல்விளக்கம்:

பொழுது - காலம்

கரைதல் - கழிந்து போதல்

குதலைச் சொல் - குழந்தையின் பொருளற்ற பேச்சு

மழலை மொழி - செவிக்கினிமை தரும் குழந்தையின் சொல்

மொழியது - பேசும் பேச்சு.