இன்ப அன்பே உலகாள்தல் அறிவோம்

அன்பே தளையாய் தழைத்து உலகாளும்

            அந்நாள் எப்போ வருமென்றே

என்பே உருக நினைத் திருந்தோர்

            எண்ணில் அடங்கார் இவ்வையத்தே

முன்பே வாடியபயிர் மழை பொழிய

            முளைத்து எழுந்து மொட்டவிழ

இன்பே இயற்கை ஈவது கண்டே

           இன்ப அன்பே உலகாள்தல் அறிவோம்.

இனிதே,

தமிழரசி.

சொல்விளக்கம்:

தளையாய் - பயிராய்

தழைத்து - செழித்து

வாடியபயிர் - மழை இல்லாது வாடிய பயிர்

மொட்டவிழ - மொட்டு விரிய

இன்பே - இன்பத்தையே

இயற்கை - உலகத்தை வழி நடத்தும் இயற்கை

ஈவது - கொடுப்பது

கண்டே - பார்த்து

இன்ப அன்பே - இன்பத்தைத் தரும் அன்பே

உலகாள்தல் - உலகத்தை ஆள்தல்