முன்னின்று தடுப்பதேன்

விந்தையென் மனதில் நீயிருக்க

           வியனுலகில் தேடிடும் என்றன்

கந்தைமனக் கசடு அறுத்து

          காத்திருந்து அருளும் கந்த

சிந்தையுள் சிறை வைத்துனை

          சிக்கெனப் பிடித்து உணரா

முந்தையென் வினையெலாங் கூடி

          முன்னின்று தடுப்ப தேன்

இனிதே,

தமிழரசி.

சொல்விளக்கம்:

விந்தை - அற்புதம்

வியனுலகில் - அகன்ற உலகில்

கந்தைமன - பல இடங்களில் கிழிந்து நைந்து தைத்து கந்தையான மன

கசடு - அழுக்கு

அறுத்து - நீக்கி

கந்த - கந்தனே

சிந்தையுள் - சிந்தனையுள்

சிக்கெனெ - சிக்குப்போல தடம் வைத்து/விரைவு

உணரா - உணர்ந்து அறியாத

முந்தை - முற்பிறவி

வினை - செயல்