பைந்தமிழர் வாழ்வு பெருஞ்சுவை பெறுமே!

பூங்குயில் கூவி பகலவன் வரவுரைக்க

பங்கயம் இதழ்விரிய பாரெங்கும் மணம்வீச

செங்கயற் கண்மடவார் சேர்ந்து நின்றே

செந்தமிழ்ப் பண்பாடி சிந்தை மகிழ்ந்து

மங்கலக் கோலமிட்டு மணிநீரும் மண்ணும்

மன்னுயிரும் சிறந்து மேதினி செழிக்க

பொங்கிடும் பொங்கல் பாற்சுவை யெனவே

பைந்தமிழர் வாழ்வு பெருஞ்சுவை பெறுமே

இனிதே,

தமிழரசி.

சொல்விளக்கம்:

பகலவன் - சூரியன்

பங்கயம் - தாமரை

செங்கயல் - ஒருவகை மீன்/ சிவந்த கயல்மீன்

மடவார் - பெண்கள்

மேதினி - பூமி