முதுமையின் சாரம்

இலை உதிர் காலம் முதுமையின் கோலம்

கலகல என்று காற்றினி லசைந்து வீழும்

இலை சொல்லும் சேதியை மனமது ஆயும் 

இலை மெல்லப் பழுத்து சருகது ஆகும் 

நிலை தனைக் கண்டு மனமது நகைக்கும்  

தலை மயிர் நரைத்து தசைகளும் தளரும்

சிலை என இருந்த சித்திர மேனியும்

அலை அலை ஆக அடங்கி ஒடுங்கும்

தலை அது சாய்க்கத் தோளினை தேடும்

நிலை தடு மாறும் முதுமையின் சாரம்.                                                  

இனிதே 

தமிழரசி.