ஆதிசக்தி தாயே ஆரணப் பொருளே
ஆரணங்கே ஆன்மநடம் ஆடிட வாராய்
சோதிசக்தி நீயே சாக்தத்தின் மருளே
சொக்கனும் சொக்கநடம் ஆடிட வாராய்
வேதிசக்தி மாயே வேதாந்தம் அருளே
வீரையாய் வெற்றிநடம் ஆடிட வாராய்
நீதிசக்தி ஆயே நேர்மையின் நருளே
நெஞ்சினில் நின்றுநடம் ஆடிட வாராய்
இனிதே,
தமிழரசி.
சொல்விளக்கம்:
ஆரணம் - வேதம்
ஆரணங்கு - தெய்வப் பெண்
ஆன்மநடம் - ஆன்மீக நடனம்
சோதிசக்தி - ஒளிச்சக்தி
சாக்தம் - சக்தியை வழிபடும் சமயம்
மருள் - வியப்பு
சொக்கன் - சிவன்
சொக்க - மயங்க
வேதிசக்தி - இராயன சக்தி
மாயே - மாயைகளைச் செய்பவள்
வேதாந்தம் - உலகை - இயற்கையை கடவுளாக காணும் அறிவு
வீரை - வீரம் உள்ள பெண்
ஆயே - ஆராய்ந்து அறிபவள்
நேர்மை - நேர்வழியில் செயற்படும் தன்மை/ பக்கச்சார்பு அற்றதன்மை.
நருள் - ஒலி
No comments:
Post a Comment