தண்ணளியே மின் ஒளியாய்
தாரணிக்குத் தந்துதவும்
விண்ணளியே நீள் விசும்பின்
வான்மழைபோல் வரந்தரவே
கண்ணளியைக் கண் காட்ட
கலங்குவார் கருத்துநிறை
பண்ணளியாய் வந்தமர்ந்து
பயிற்றுவாய் அவர்தமையே
இனிதே,
தமிழரசி.
சொல்விளக்கம்:
தண்ணளியே - கருணை மிகுதியே
மின் ஒளியாய் - மின்னும் சூரியஒளியாய்
தாரணிக்கு - உலகிற்கு
விண்ணளியே - விண்ணின் அருளே
நீள் விசும்பின் - பெரிய மேகத்தின்
கண்ணளியை - கண்ணின் அருளைக்
கலங்குவார் - அருளுக்காக ஏங்குவார்
கருத்துநிறை - எண்ணத்தில் நிறைந்து
பண்ணளியாய் - பண்பாடும் வண்டாய் [தேனியாய்]
பயிற்றுவாய் - ஆனந்த தேனாகிய முத்தியின்பத்தைக் கற்பிப்பாய்.
No comments:
Post a Comment