பொன்னிறப் புங்கை
பொன்போலும் இலையுடை பொன்னிறப் புங்கையே
புங்கையம் பதிதன்னில் பொன்னென மின்னுவாய்
கன்னலும் செந்நெல்லும் கழனியும் சூழ்தர
காட்டையும் மேட்டையும் அழகுறச் செய்குவாய்
முன்போலும் மாந்தர்தம் பொன்மேனி தன்னையே
மன்னிய நலமுட னென்றும் வாழவைப்பாய்
நின்போலும் கவினிய நெஞ்சராய் வாழுநர்
நிறைந்த புன்னகை பூத்திட நிற்பாய்
இனிதே
தமிழரசி.
குறிப்பு:
சொல் விளக்கம்
கன்னல் - கரும்பு
மன்னிய நலம் - பொருந்திய நலம்
கவினிய நெஞ்சராய் - அழகு பெற்ற மனத்துடன்
வாழுநர் - வாழ்வோர்
No comments:
Post a Comment