நீரும் நிலமும் வசமானால்

இலைகள் கூறும் கதைகேளு

மலர்கள் காட்டும் நிறம்பாரு

வாவி தோரும் அலையடிக்கும்

வானின் தோற்றம் அதில்தெரியும்

நீரும் நிலமும் வசமானால்

நீணில மெங்கும் வளமாகும்

இயற்கை சொல்லும் பேரறிவை

எளிதில் படிக்க முடியாது

இயற்கையை இரசித்து வாழ்ந்திடின்

இன்பங்கள் யாவும் எமதாகும்

மயனே! இயற்கை உன்சொத்து

இயற்கையின் நாதம் இறையாகும்

இயற்கை இறையை உள்வாங்கி

இன்ப உணர்வில் கரைத்திடெடா!

இயற்கை வாழ்வின் நெறிநடந்து

வையம் வாழ வழிகாட்டு!

இனிதே,

தமிழரசி.

20/07/19

குறிப்பு:

பேரன் மயனுக்கு மலர்கள், மரஞ்செடி கொடிகள் என்றால் உயிர். அதனால் அவனுக்காக எழுதியது.