தெள்ளுதமிழ் பாடல் நயப்பாய்!

உள்ளமே கோயில் கொண்டாய்

  உணர்வினில் ஒன்றி நின்றாய்

துள்ளுமனத் துயர் துடைத்தாய்

  துவர்ப்பின்றி உவப்புத் தந்தாய்

விள்ளும் வினைவேர் அறுத்தாய்

  வள்ளளாய் வயலூ ரமர்ந்தாய்

தெள்ளுதமிழ் பாடல் நயப்பாய்

  தெண்டன் இட்டேன் உனையே

இனிதே

தமிழரசி.

சொல்விளக்கம்:

ஒன்றி - சேர்ந்து

துள்ளுமனம் - துடிக்கும் மனம்

துவர்ப்பு - துவர்ப்புச் சுவை

உவப்பு - மகிழ்வு

விள்ளும் வினை - கூறுபாடு செய்யும் வினை

வள்ளளாய் - கொடை வள்ளளாய்

அறுத்தாய் - வெட்டினாய்

தெள்ளுதமிழ் - தூய தமிழ்

நயப்பாய் - விரும்புவாய்

தெண்டன் இட்டேன் - வணங்கினேன்