சிந்துதமிழ் பாடல் தந்தான்

                         பல்லவி

சந்தனத் தேரினில் வந்தே - நல்

சிந்துதமிழ் பாடல் தந்தான்

                அனுபல்லவி

சுந்தர முகத்தினைக் கண்டே - மனம்

சந்ததம் பாட நாணி நின்றேன்

                  சரணம்

சிந்திய முறுவலின் சுழிப்பில் வீழ்ந்தே

கந்தனோ இவன் காமனோ என

சிந்தை தடுமாறி திகைக்க அவன்

வந்தேன் வயலூரன் என நகைத்தான் 

இனிதே,

தமிழரசி.

குறிப்பு:

சிந்துதமிழ் பாடல்: எடுப்பு, தொடுப்பு, முடிப்பு [பல்லவி, அனுபல்லவி, சரணம்] உடைய பாடல்.

சந்ததம்: துடிப்பு/எப்பொழுதும்.