ஆனந்த வெள்ள திருவே!

ஓங்காரப் பொருளே நீ

           ஓதுமனத் துள்ளாய் நீ

பாங்காகக் காப்பாய் நீ

           பாழ்வினை அறுப்பாய் நீ

ஏங்காமனந் தந்தாய் நீ

           ஏழையர்க் கருள்வாய் நீ

ஆங்காரம் அழிப்பாய் நீ

           ஆனந்த வெள்ள திருவே!

இனிதே,

தமிழரசி. 

சொல்விளக்கம்:

ஓங்காரம் - பிரணவம்

ஓதுமனம் - நினைக்கும் மனம்

பாங்காக - இயல்பாக

பாழ்வினை - ஊழ்வினை

ஏங்காமனம் - இல்லையெனக் கவலைப்படாத மனம்

ஆங்காரம் - செருக்கு

திரு - திருமகள்