நயனநீர் மல்க நின்றேன்

தன்னிலை தெரிவார் தமை

தான் வந்தருளும் தெய்வம்

முன்னிலை காணும் அன்பர்

முன்னின்று காப்பான் தன்னை

என்னிலை கண்டு நாளும்

ஏங்கியே தொழுத ரற்ற

நன்னிலை நயத்தல் கண்டே

நயனநீர் மல்க நின்றேன்

இனிதே,

தமிழரசி.

சொல்விளக்கம்

தன்னிலை தெரிவார் - தமது தன்மையை உணர்ந்தோர்

முன்னிலை காணும் - முன்னேயுள்ளதை (தெய்வத்தை) காணும்

அரற்ற - புலம்ப

நன்னிலை - நல்ல நிலையை 

நயத்தல் - சிறப்பித்தல்

நயனநீர் - கண்ணீர்

மல்க - பெருக