காணா மருமமேதையா!

                            பல்லவி 

மருமமேதையா மாதவன் மருகா - உன்

மலரடி காணா மருமமேதையா

                        அனுபல்லவி

ஊரினில் உள்ளோர் உற்றது சொல்லா - உனை

நேரினில் கண்டோர் யாருமே சொல்லா

                           சரணம்

நீரினில் நிலத்தினில் நீள்வெளி யதனினில்

காரினில் கடலினில் காணிடும் பொருளினில்

பாரினில் பழந்தமிழ் பாவினில் பயின்றிடு

சீரினில் செறிந்து சோதியாய் நின்றிடு

இனிதே,

தமிழரசி  

சொல்விளக்கம்: 

மருமம் - விடை அறியமுடியாத ஒன்று

உற்றது - உண்மை/ விடை

கார் - கரிய மேகம்

பார் - உலகம்

பா - பாடல்

பயின்றிடு - கற்கும்/ படிக்கும்

சீர் - செய்யுள் இலக்கணத்தின் படி அசைச் சொற்கள் தனித்தோ இணைந்தோ சீராக[ஒழுங்காக] வருவதால் அவை சீர் எனப்படும்.

செறிந்து - நெருக்கமாய் நிறைந்து

நின்றிடு - நிற்கும்