அடிசில் 24

வெந்தயக்கீரை உருளைக்கிழங்குக் கூட்டு

                                                                                                 - நீரா -

தேவையான பொருட்கள்:

வெந்தயக்கீரை  -  2 கட்டு 

உருளைக்கிழங்கு  -  150 கிராம்

வெட்டிய வெங்காயம்  - 1 பெரியது

வெட்டிய பச்சைமிளகாய்  -  2

மிளகாய் தூள்  -  ½ தேக்கரண்டி

மஞ்சள் தூள்  -  ½ தேக்கரண்டி

கடுகு  -  ½ தேக்கரண்டி

கறுவாப்பட்டை  -  1” துண்டு

கருவேப்பிலை  -  சிறிதளவு 

எண்ணெய்  -  ½ மேசைக்கரண்டி

உப்பு  -  தேவையான அளவு 

செய்முறை:

1.   வெந்தயக்கீரையை சுத்தம் செய்து வெட்டிக்கொள்ளவும்.

2.   உருளைக்கிழங்கை வேகவைத்து உரித்து பிட்டுப் போல் உதிர்த்திக் கொள்ளவும்.

3.   சூடான பாத்திரத்தில் எண்ணெய்யை விட்டு  கடுகு, கறுவாப்பட்டை, கருவேப்பிலை போட்டு தாளித்து, கடுகு வெடித்ததும் பச்சைமிளகாய், வெங்காயம் சேர்த்து வதக்கவும்.

4.  வெங்காயம் பொன்னிறமாக வரும்போது கீரையைப் இட்டு கிளறி வதங்கவிடவும். 

5.  கீரை சிறிது வதங்கியதும் உப்பு, மஞ்சள், மிளகாய் தூள்  போட்டு வேகவிட்டு, உதிர்த்திய உருளைக் கிழங்கை சேர்த்து மெதுவாகக் கிளறி நீரற்று உதிர்ந்து வரும் போது இறக்கவும்.

6.  தண்ணீர் வேண்டுமானால் சேர்க்கலாம்.

குறிப்பு:

உருளைக்கிழங்குக்குப் பதிலாக அவித்த பருப்பு, பயறு சேர்க்கலாம்.