ஓங்கார சக்தி

ஓங்கார சக்தி அவள் தாள் தொழுதே

            ஓம் சக்திசக்தி யென்றே கூவி அழைத்தோம்

பாங்கார பக்தர் எலாம் பரவி நின்றே

            பழந்தமிழ் பண்ணிசைத்து கூடி அழைத்தோம் 

ஆங்கார நாயகியாய் ஆடி வரும் சக்தியென்றே

            ஆனந்தப் பாட்டிசைத்து கூவி அழைத்தோம்

தீங்காரச் செய்வாரை திருத்திடும் சக்தியென்றே

            தேந்தமிழ் பாட்டிசைத்து கூடி அழைப்போம்

இனிதே,

தமிழரசி

சொல்விளக்கம்:

பாங்கார - நல்ல நிறைந்த

பக்தர் - அடியவர்

பரவி - வழிபாடு

ஆங்கார நாயகி - காளி

தீங்காரச் - தீமைகளை மிகுதியாகச்

தேந்தமிழ் - தேன் போல இனிக்கும் தமிழ்