உள்ளம் மாண்டதுவே

 

அவமே நாளைக் கழித்துகந்து

           ஆங்காரத்துள் ஒளித்திருந்தே

பவமே புணரும் காரணத்தால்

           பாவப்புணையுள் வீழ்ந்திருந்தேன்

தவமே அறியாத் தடுமாறி

           தானெனஎண்ணி மகிழ்ந்திருந்தே

சிவமே உணராச் சிந்தையதாய்

          சோர்ந்தெனதுள்ளம் மாண்டதுவே!

இனிதே,

தமிழரசி.

சொல்விளக்கம்:

அவம் - வீணாக

கழித்து - போக்கி

உகந்து - மகிழ்ந்து

ஆங்காரத்துள் - செருக்கினுள்

ஒளித்திருந்தே - மறைந்திருந்தே

பவம் - பிறப்பு

புணர்தல் - பொருந்துதல்

பவமே புணரும் - பிறப்புகளுடன் சேரும்

பாவப்புணை - பாவமாகிய தெப்பத்துள்

மாண்டதுவே - இருண்டது/அழிந்தது