எமை ஆண்டருளே

ஓதற்கு எளியானே ஒண்பொருளே

            ஓங்காரமாய் நின்றரற்றும் நல்

நாதத்து பேரிசையாய் பரந்து பரமாய்

            நுண் இசையாய் நுடங்கும் நாயகா

வேதத்து வித்தாய் விழுப்பொருளாய்

            விண்ணொடு மண்ணாய் விரவி மிளிர்

போதத்து போதனாய் அகம்போந்து புகும்

            பழனிவேலே எமை ஆண்டருளே

இனிதே,

தமிழரசி.

சொல்விளக்கம்:

ஓதற்கு - சொல்வதற்கு

ஒண்பொருள் - மிகச்சிறந்த பொருள்

ஓங்காரமாய் - ஓம் என்னும் ஒலியாய்

அரற்றும் - சத்தம் செய்யும்

பரந்து - பரவி

பரமாய் - பரம்பொருளாய்

நுண் இசையாய் - நுட்பமான இசையாய்

நுடங்கும் - அடங்குதல்

வித்தாய் - மூலமாய்

விழுப்பொருளாய் - மேலான பொருளாய்

விரவி - கலந்து

மிளிர் - மின்னும்

போதம் - ஞானம்

போதனாய் - நிறை ஞானத்தை விரித்துக்கூறும் அறிவுடையவனாய்

அகம்போந்து - மனதினுள் வந்து

புகும் - நுழையும்