ஒன்றே நினைத்திருந்தோம்

 

ஒன்றே நினைத்திருந்தோம் உன் மலரடி

            ஒன்றே சிந்தையில் பதித்திருந்தோம்

நன்றே நயந்திருந்தோம் உன் நாமம்

            நன்றே நாவில் நவின்றிருந்தோம்

என்றே உகந்திருந்தோம் உன் கருணை

            என்றே தரும் என்றேயிருந்தோம்

பொன்றே போயிருந்தால் உன் கழல்

            பொன்றா நிழல் பையவே அருள்

இனிதே,

தமிழரசி.

சொல் விளக்கம்:

பதித்தல் - அழுத்திவைத்தல்

நயத்தல் - விரும்புதல்

நா - நாக்கு

நவில்தல் - புகழ்தல்

உகத்தல் - மகிழ்தல்

பொன்றே - அழிந்து

கழல் - திருவடி

பொன்றா - அழியாத

பையவே - மெதுவாக