சிரித்துவரும் சித்திரை மங்கலம் தருமே

மின்னொளி வீசும் வானிந்துளி பொழிய

  மன்னொளி கண்டு மன்னுயிர் மகிழ

அன்பொளி பரவி அகிலம் வாழ

  அறிவொளி சிறந்து ஆற்றல் பெருக

இன்பவொளி துலங்கி இனிமை முகிழ

  இயற்கையொளி தன்னால் உலகம் ஓங்க

முன்னொளி காட்டிசிரித்து வரும் சித்திரை

  மங்கையொளி என்றும் மங்கலம் தருமே

இனிதே,

தமிழரசி

சொல்லாக்கம்/சொல்விளக்கம்:

1. மின்னொளி - மின்னலின் ஒளி

2. வானிந்துளி - மழை

3. மன்னொளி - ஆக்கங்கள் தரும் ஒளி

4. மன்னுயிர் - உலக உயிரனைத்தும்

5. அகிலம் - உலகம்

6. துலங்கி -மிளிர்ந்து

7. முகிழ - தோன்ற

8. இயற்கையொளி - சூரிய ஒளி

9. ஓங்க - வளர

10. முன்னொளி காட்டி - முன்னே ஒளிகாட்டி

11. மங்கையொளி - மங்கையின் அழகு