ஆனந்த நடனம் கண்டேன்

ஆனந்த நடனம் கண்டேன் அன்றொரு நாள் 

            அந்திப் பகல் அதனில் என்பக்கலில் நின்றே

வானந்தக் கருமுகில் கண்டு வண்ண தோகை

            விரித் தாடும் மாமயில் மீ திவர்ந்து

தானந்த மில்லா தன்மை யாளன் தண்டாயுதன்

            தன்னந் தனியனாய் யெனை நாடி வந்து

தேனந்த சுவையூட்டு தமிழ்  பாவின் இசை

            தேர்ந்து தெளிந்து தந்து மகிழ்ந் தனனே!

இனிதே,

தமிழரசி.

சொல்விளக்கம்:

அந்திப்பகல் - பகல் முடியும் நேரம் 

வானந்தக்கருமுகில் - வானத்திலுள்ள கருமுகில்

மாமயில் - பெரிய மயில்

இவர்ந்து - ஏறி

தானந்தமில்லா - முடிவில்லாத

தண்டாயுதன் - முருகன்

தேனந்த - தேன்போன்ற

தேர்ந்து - ஆராய்ந்து

தெளிந்து தந்து - தெளிவடையும்படி தந்து