தமிழீழத் தேசியக் கொடி

செந்தமிழ் அன்னையின் செழுமையைக் காட்டி

செஞ்சுடர் வீசிப் பறக்குது பாரீர்

வஞ்சியாம் அவளின் வன்மையைக் காட்டி

வெஞ்சுடர் வீசிப் பறக்குது பாரீர்

கார்த்திகைப் பூவின் கவின் எழில் காட்டி

கதிரெழில் வீசிப் பறக்குது பாரீர்

மாவீரர் தம்மின் மாண்மையைக் காட்டி

மாணொளி வீசிப் பறக்குது பாரீர்

வேங்கைகள் நாமென்ற வேட்கையைக் காட்டி

வெய்யொளி வீசிப் பறக்குது பாரீர்

ஓங்கு தமிழரின் உயர்வினைக் காட்டி

ஓங்கெழில் வீசிப் பறக்குது பாரீர்

தமிழீழ மண்ணின் தகைமையைக் காட்டி

தண்ணொளி வீசிப் பறக்குது பாரீர்

தமிழீழத் தேசியக் கொடி இது பாரீர்

தரணியோர் ஒன்றாய் வணங்குவம் வாரீர்.
 - (1991ல் வீரமரணம் எய்திய எனது தம்பி சிவகெங்காதரன் (நெல்சன்) அவர்களுக்கு கண்ணீர்க்  காணிக்கையாக அவனின் வீரமரணத்தின் போது எழுதியது)